Գնանշման հարցում շարժական Wi-Fi մոդեմի և ինտերնետային փաթեթի

Գնանշման հարցում շարժական Wi-Fi մոդեմի և ինտերնետային փաթեթի

• Posted In :
• 0 : comment

Ներածություն

«Հայ առաջադեմ երիտասարդություն» hասարակական կազմակերպությունն իր գործունեությունն է ծավալում սկսած 2009 թվականից նպատակ ունենալով ներգրավել երիտասարդներին ժողովրդավարական պետության կառուցման գործում, նպաստել նրանց ինքնազարգացմանը, ակտիվ մասնակցությանը, կարողությունների և գիտելիքների զարգացմանը և աջակցել երիտասարդների ներգրավվածությանը հասարակական կյանքի տարբեր ոլորտներում: Կազմակերպության տեսլականն է ձևավորել հասարակություն, որտեղ երիտասարդներն ունեն ակտիվ մասնակցություն ժողովրդավարական գործընթացներին և որոշումների կայացմանը, քաղաքացիական հասարակությունը զարգացած է և հանդիսանում է սոցիալական փոփոխությունների շարժիչ ուժ։

Գնանշման հարցման նպատակը

Գնանշման հարցման նպատակն է ընտրել մատակարար, որը ինտերնետի և օժանդակ սարքավորումների հասանելիություն կապահովի կրթությունից դուրս մնացած և կյանքի դժվարին իրավիճակում հայտնված 50 երիտասարդների` հիմնվելով «Հայ առաջադեմ երիտասարդություն» ՀԿ-ի կարիքների գնահատման վրա: «Հայ առաջադեմ երիտասարդություն» ՀԿ-ի կողմից կընտրվեն 15-ից 25 տարեկան 50 երիտասարդներ, ովքեր կստանան շարժական ինտերնետի տարեկան բաժանորդագրություն և պլանշետ՝ հեռավար կրթության և առցանց ոչ ֆորմալ կրթության մեջ ներգրավվելու համար:

Գնման ժամկետներ

Գնումը նախատեսվում էիրականացվել 01․12․2020 – 31․12․ 2020 ժամանակահատվածում։

Դիմելու գործընթացը

Հետաքրքրված անձինք [email protected] էլ․ փոստի հասցեին պետք է ուղարկեն գնման առարկայի համար իրենց կողմից լրացված, կնքված և հաստատված գնային առաջարկը՝ ըստ հավելված 1-ի կամ իրենց կողմից մշակված գնառաջարկի ձևը՝ հայերեն և անգլերեն լեզուներով:

Համեմատության համար հիմք է ընդունվելու ամբողջ փաթեթի համար առաջարկվող ընդհանուր արժեքը: Հաղթող է ճանաչվելու ամենացածր գին առաջարկող մասնակիցը:

Հայտերի ընդունման վերջնաժամկետն է` 30.11.2020:

«Հայ առաջադեմ երիտասարդություն» ՀԿ-ի մասին կարող եք հավելյալ տեղեկատվություն կարող եք ստանալ հետևյալ հղումով՝ http://apy.am/:

Հետադարձ կապ՝

Հայկ Խաչատրյան
Հեռ. 091-20-56-20