ԵՐԵՎԱՆՈՒՄ ԾՐԱԳՐԻ ՀԱՄԱԿԱՐԳՈՂԻ ԱՇԽԱՏԱՆՔԻ ՀԱՅՏԱՐԱՐՈՒԹՅՈՒՆ

Պաշտոնը` Երևանում ծրագրի համակարգող
Աշխատաժամանակ՝ շաբաթական 30 ժամ
Աշխատանքի սկիզբը` դեկտեմբեր 2020
Պայմանագրի տևողությունը՝ 3 ամիս (երկարաձգման հեռանկարով)
Վայրը` Երևան, Բաղրամյան 45
Անմիջական ղեկավար՝ ծրագրի ղեկավար

Աշխատանքի նկարագրություն

Հայ առաջադեմ երիտասարդություն ՀԿ-ն փնտրում է ծրագրի համակարգողի, ով կմիանա ՀԱԵ թիմին՝ համակարգելու տեղահանված ընտանիքներին մարդասիրական աջակցության տրամադրման ծրագրի գործողությունները Երևան քաղաքում։

Նախընտրելի թեկնածուն պետք է ունենա բարձրագույն կրթության առկայություն և քաղաքացիական հասարակության կազմակերպություններում ծրագրի համակարգման աշխատանքի նվազագույնը 2 տարվա աշխատանքային փորձ։ Թեկնածուն պետք է օժտված լինի հաղորդակցման բանավոր և գրավոր գերազանց հմտություններով և աչքի ընկնի կազմակերպչական և թիմի հետ համագործակցության հմտություններով։

Աշխատանքային պարտականություններն են՝
  • Կազմակերպել և համակարգել ամենօրյա աշխատանքի ժամանակին և անխափան իրականացումը։
  • Կազմակերպել հանդիպումները ծրագրի շահակիր կողմերի և գործընկերներ հետ։
  • Կապ պահել և համակարգել համատեղ իրականացվելիք գործողությունները Երևանի քաղաքապետարանի և Վարչական Շրջանների գրասենյակների հետ։
  • Սերտորեն համագործակցել ծրագրի անձնակազմի հետ և կազմակերպել ու վերահսկել Երևան քաղաքում մարդասիրական աջացության փաթեթների տրամադրման գործընթացը՝ ներառյալ փաթեթների կազմում, տրանսպորտային կազմակերպության աշխատանքի համակարգում փաթեթների տրամադրման համար և այլն։
  • Կազմակերպել Երևան քաղաքի բոլոր 12 վարչական շրջաններում աջակցություն ստացող ընտանիքների կարիքների գնահատման գործընթացը սացիալական աշխատողների միջոցով։
  • Մշակել և ծրագրի ղեկավարին ուղարկվել զեկույցներ և հաշվետվություններ՝ անգլերեն լեզվով։

Թեկնածուին ներկայացվող պահանջներն են՝
  • Ծրագրերի համակարգման գործնական հմտությունների առկայություն և առնվազն երկու տարվա վարչական աշխատանքի փորձ:
  • Գերազանց հաղորդակցություն և միջանձնային հարաբերություններ արդյունավետ աշխատանքի համար:
  • Բազմամասնագիտական թիմի և մասնագետների հետ համագործակցության կարողություն:
  • Խնդիրների լուծման և որոշումների կայացման հմտությունների կիրառում:
  • Խնդրահարույց իրավիճակներում ճիշտ և արդյունավետ լուծումների կայացման հմտություն։
  • Ժամանակի պլանավորման և վերջաժամկետների պահպանման ունակություն։

Պահանջվող որակավորումներ`
  • Բարձրագույն կրթության առկայություն։
  • Ծրագրերի համակարգման ոլորտում նվազագույնը 2 տարվա աշխատանքային փորձ։
  • Հայերենի և անգլերենի գերազանց իմացություն (գրավոր և բանավոր)։
  • Համակարգչային հմտություններ։

Աշխատանքային պայմաններ`
  • Աշխատանք գրասենյակի տարածքից (Հայ առաջադեմ երիտասադրության ՀԿ, 45 Մարշալ Բաղրամյան փողոց, Երևան):
  • Շաբաթական 30 ժամ ներգրավածություն աշխատանքներում:
  • Աշխատավարձը` 400,000-460,000 դրամ (ներառյալ հարկերը և այլ պարտադիր վճարները) կախված թեկնածուի փորձից և գիտելիքներից։

Ինչպես դիմել

Վերոնշյալ պահանջներին համապատասխանող թեկնածուները պետք է ներկայացնեն ինքնակենսագրական (CV) [email protected] էլեկտրոնային հասցեով` նամակի վերնագրում նշելով Երևանում ծրագրի համակարգող: Խնդրում ենք ուղեկցող նամակում նշել ակնկալվող աշխատավարձը։

Նախնական ընտրությունն անցած թեկնածուները կհրավիրվեն հարցազրույցի:

Դիմումները ներկայացնելու վերջնաժամկետն է ս.թ. նոյեմբերի 25-ը ներառյալ։:

Կազմակերպության մասին

Հայ առաջադեմ երիտասարդություն հասարակական կազմակերպությունը ստեղծվել է 2009 թվականին՝ նպատակ ունենալով ներգրավել երիտասարդներին ժողովրդավարական պետության կառուցման գործում, նպաստել երիտասարդների ինքնազարգացմանը, ակտիվ մասնակցությանը, կարողությունների և գիտելիքների զարգացմանը և աջակցել երիտասարդների ներգրավվածությանը հասարակական կյանքի տարբեր ոլորտներում:
Ելնելով Հայաստանում ստեղծված հումանիտար և առողջապահական ճգնաժամից, կազմակերպությունը հրատապ մարդասիրական օգնություն է ցուցաբերերում Արցախից Հայաստան ժամանած անձնանց՝ մեկամսյա սննդի և հիգիենայի պարագաների փաթեթների և այլ անհրաժեշտ իրերի տեսքով։