DigiYouth`խթանելով առցանց ակտիվիզմը, մեդիագրագիտությունը և երիտասարդության թվային մասնակցությունը COVID-19 համավարակի ընթացքում

  1. Home
  2. News
  3. DigiYouth`խթանելով առցանց ակտիվիզմը, մեդիագրագիտությունը և երիտասարդության թվային մասնակցությունը COVID-19 համավարակի ընթացքում

DigiYouth`խթանելով առցանց ակտիվիզմը, մեդիագրագիտությունը և երիտասարդության թվային մասնակցությունը COVID-19 համավարակի ընթացքում

ԻՆՉՈ՞Ւ

Նոր կորոնավիրուսային վարակով պայմանավորված համաշխարհային ճգնաժամը զգալի փոփոխություններ առաջացրեց բոլորիս կյանքում։ Երիտասարդներն անմասն չմնացին համավարակի ազդեցությունից՝ անմիջականորեն իրենց վրա կրելով դրա հետևանքները կրթական, աշխատանքային, առողջապահական և այլ ոլորտներում։ Ստեղծված պայմաններում առավել քան կարևոր է զարգացնել երիտասարդների թվային կարողությունները և առցանց հաղորդակցական հմտությունները՝ նրանց հաղորդելով անհրաժեշտ գիտելիքներ, հմտություններ և փորձ մեդիագրագիտության, կիբերանվտանգության, շահերի պաշտպանության ոլորտներում և աջակցել երիտասարդներին բարձրաձայնել սեփական խնդիրները և սկսել հանրային երկխոսություն այդ խնդիրների լուծման համար պատասխանատու գերատեսչությունների հետ:

Ի՞ՆՉ

«Հայ առաջադեմ երիտասարդություն» ՀԿ-ը հրավիրում է մարդու իրավունքներով, ժողովրդավարությամբ և իրենց համայնքում առկա խնդիրների լուծմամբ հետաքրքրված երևանաբնակ և մարզաբնակ 18-ից 30 տարեկան ակտիվ երիտասարդներին մասնակցելու «DigiYouth` խթանելով առցանց ակտիվիզմը, մեդիագրագիտությունը և երիտասարդության թվային մասնակցությունը COVID-19 համավարակի ընթացքում» նոր երիտասարդական կրթական ծրագրին:

Ծրագիրը բաղկացած է 2 հիմնական փուլերից՝

«Թվային մասնակցություն և հանրային արշավներ» երիտասարդ ակտիվիստների երկամսյա առցանց ակադեմիա։ Ակադեմիայի տևողությունը՝ 1 ամիս ( հունվարի 10-ից մարտի 10-ը): Ընդհանուր կունենանք 16 առցանց աշխատարան (workshop), շաբաթական 2 անգամ, յուրաքանչյուր աշխատարանի տևողությունը՝ 2-2․5 ժամ։ Դասընթացը կանցկացվի առցանց Zoom հարթակի միջոցով։

Թեմաներ՝

  • Առցանց ակտիվիզմ՝ ինքնակազմակերպումը և հանրային համախմբումը թվային հարթակներում,
  • Կիբերանվտագություն ակտիվիստների համար․ ինչպես պաշտպանել անձնական տվյալները առցանց հարձակումներից և պահպանել տեղեկատվության գաղտնիությունը,
  • Մեդիագրագիտություն․ COVID-19-ի ազդեցությունը մեդիադաշտի վրա և դրա հետևանքները,
  • Տվյալների հետ աշխատանք և տեղեկությունների ստուգում,
  • Առցանց ֆոնդհայթայթում և քրաուդֆանդինգ․ ինչպես կարող ենք ֆինանսական ռեսուրսներ գտնել տարբեր սոցիալական խնդիրների լուծման համար՝ օգտագործելով սոցցանցերը և սոցիալական հարթակները (Gofund.me, Indiegogo),
  • COVID-19-ի ազդեցությունը մեր հոգեկան առողջության և աշխատանքային արդյունավետության վրա․ ինչպես բարելավել մեր հոգեկան բարեկեցությունը և սթրեսակայունությանը համավարակի ընթացքում:
  • Սոցիալական մեդիան տեղեկատվության աղբյուր հայաստանյան հասարակության համար. ձևավորվող ստանդարտներ և կիրառվող պրակտիկա,
  • Սոցիալական մեդիա արշավներ․ պլանավորում և իրականացում:

 

Ակադեմիայի ընթացքում նախատեսում ենք նաև հետևյալ 3 թեմաներով հանդիպում-քննարկումներ փորձագետների հետ ՝

  1. Աշխատանքային իրավունքների պաշտպանության խնդիրները COVID-19 համավարակի օրերին,
  2. Կորոնավիրուսը որպես կրթական մարտահրավեր,
  3. Մարդու իրավունքների պաշտպանությունը COVID-19-ին հակազդելիս:

«Ինքնակազմակերպվե՛նք» սոցիալական մեդիա արշավների իրականացման 2-ամսյա մենթորության մոդուլ։ Մոդուլի շրջանակներում ծրագրի մասնակիցները կբաժանվեն 3 թիմերի և 2 մենթորների աջակցությամբ 2 ամիսների ընթացքում կկարողանան իրենց ստացած գիտելիքները և զարգացրած կարողությունները ներդնել կազմակերպելու և իրականացնելու իրենց սեփական սոցիալական մեդիա արշավները։

Ծրագիրը հնարավորություն կտա՝

  • Գիտելիքներ ստանալ և զարգացնել երիտասարդների կարողությունները թվային ակտիվիզմի, մեդիագրագիտության, կիբերանվտանգության, մոբայլ ակտիվիզմի, տվյալների հետ աշխատանքի և մարդու իրավունքների հետ առնչվող մի շարք ոլորտներում,
  • Ազատ օգտագործել սոցիալական մեդիա հարթակները գրագետ և կառուցողական հանրային արշավներ կազմակերպելու, դրանք իրականացնելու և համացանցի միջոցով երիտասարդների ձայնը լսելի դարձնելու ոլորտի պատասխանատու անձանց,
  • Նպաստել առաջնորդական, քննադատական մտածողության և առցանց հաղորդակցման հմտությունների զարգացմանը և տարածք ստեղծել քննարկելու COVID-19-ով պայմանավորված մարտահրավերները, որոնց բախվում են Հայաստանում ապրող երիտասարդները, լուծման ուղիներ փնտրել և առաջարկների փաթեթ կազմել կառավարության համապատասխան մարմիններին ներկայացնելու համար:

 

Ո՞ՎՔԵՐ ԿԱՐՈՂ ԵՆ ՄԱՍՆԱԿՑԵԼ

Առցանց ծրագիրը նախատեսված է Երևանում և մարզերում բնակվող մարդու իրավունքներով, ժողովրդավարությամբ և իրենց համայնքում առկա խնդիրների լուծմամբ հետաքրքրված 18-30-ից տարեկան ակտիվ երիտասարդների համար։ Խրախուսվում է մարզերում բնակվող երիտասարդների մասնակցությունը։ Առաջնայնություն է տրվում մարզերում բնակվող երիտասարդներին, քանի որ ծրագրի առցանց ձևաչափը հնարավորություն է տալիս մասնակցելու Հայաստանի ցանկացած բնակավայրից։

Ծրագրի մասնակցությունն անվճար է։
Մասնակիցների ընտրությունը մրցութային հիմունքներով է: Ծրագրի բոլոր փուլերին մասնակցությունը պարտադիր է։ Ծրագրի մասնակցության վկայագիր կշնորհվի միայն ծրագրին 90% մասնակցություն և ավել ցուցաբերած մասնակիցներին:

Դիմումների վերջնաժամկետը 2021թ. հունվարի 8-ն է, ժամը՝ 23:00-ը:
Ծրագիրը մեկնարկում է հունվարի 10-ից։
Ծրագրին դիմելու համար սեղմել այստեղ՝

ԴԻՄԵԼ

 

Ծրագիրն իրականացվում է Եվրոպական երիտասարդական հիմնադրամի (European Youth Foundation) ֆինանսական աջակցությամբ:
Հարցերի դեպքում կարող եք դիմել ծրագրի համակարգող Նելլի Փայտյանին՝ զանգահարելով (099) 955384 հեռախոսահամարին կամ նամակ գրելով [email protected] էլ․ հասցեին։

Գրասենյակ այցելությունների դեպքում՝ Հայ առաջադեմ երիտասարդություն ՀԿ Բաղրամյան 45, ք․ Երևան