ՀԱԵ անդամակցություն
Առաջնորդի՛ր, ոգեշնչի՛ր, փոփակերպի՛ր - դարձի՛ր ՀԱԵ անդամ
«Հայ առաջադեմ երիտասարդություն» ՀԿ-ն Հայաստանում գործող ակտիվ երիտասարդական հասարակական կազմակերպություն է, որը հիմնադրվել է 2009 թվականին և շուրջ 15 տարի է աջակցում է երիտասարդներին զարգացնելու իրենց հմտությունները և խթանում է երիտասարդների մասնակցությունը որոշումների կայացման գործընթացներում։
Ովքե՞ր կարող են միանալ:
Կազմակերպության անդամ կարող են դառնալ 15-30 տարեկան երիտասարդները, ովքեր ցանկանում են մասնակցել կազմակերպության գործունեությանը և կիսում են մեր արժեքները։
ՀԱԵ-ի արժեքներ
Մարդու իրավունքներ
Ներառականություն և բազմազանություն
Գենդերային հավասարություն
Երիտասարդների դրական զարգացում
Ազնվություն և թափանցիկություն
Սոցիալական արդարություն
Անդամակցության առավելությունները
Որպես ՀԱԵ անդամ, դուք հնարավորություն կունենաք՝
1
Միանալ Հայաստանում ամենամեծ երիտասարդական կազմակերպություններից մեկին:
2
Ձեռք բերել գիտելիքներ և փորձ հասարակական և երիտասարդական ոլորտում։
3
Իրականացնել նեթվորքինգ և ստեղծել նոր կապեր։
4
Մասնակցել ՀԱԵ-ի կողմից կազմակերպվող ոչ ֆորմալ կրթական դասընթացներին, երիտասարդական ծրագրերին, մշակութային և ժամանցային միջոցառումներին (ակտիվ մասնակցություն ցուցաբերած մասնակիցները կներգրավվեն նաև միջազգային ծրագրերում)։
5
Կազմակերպել և մասնկացել բնապահպանական, սպորտային և առողջ ապրելակերպին վերաբերող տեղեկատվական միջոցառումներին։
6
Ներգրավվել ՀԱԵ-ի միջոցառումների կազմակերպչական աշխատանքներում և բարելավել Ձեր հմտություններն այդ ոլորտում։
7
Մասնակեցել ՀԱԵ-ում և ՀԱԵ-ից դուրս իրականացվող մշակութային և ժամանցային միջոցառումների կազմակերպմանը։
8
Մասնակցել ՀԱԵ-ի ծրագրերի լուսաբանմանը և աջակցել սոցիալական մեդիա արշավների իրականացմանը՝ ստեղծելով հետաքրքիր և գրավիչ կոնտենտ կազմակերպության մեդիա հարթակների համար։
9
Դառնալ մասը դրական փոփոխությունների տեղային, ազգային և միջազգային մակարդակներում։
10
Միանալ կազմակերպության Կառավարման խորհրդին։
Անդամակցության պահանջներ
Ընտրվելու դեպքում կազմակերպության անդամները պարտավոր են մեկ տարվա ընթացքում՝
Իրականացնել նվազագույնը 40 ժամ կամավորական աշխատանք կազմակերպությունում:
Մասնակցել կազմակերպության նախաձեռնած առնվազն 5 ուսուցման դասընթացների։
Նվաճել կամ մասնակցել առնվազն մեկ նախաձեռնության (օրինակ՝ ֆիլմերի ցուցադրություն, գրքերի քննարկում, ուսուցման դասընթացներ և այլն)։
Ներգրավված լինել կազմակերպության 4 հիմնական թիմերից մեկում՝
Մեդիա և հանրային կապեր (սոցիալական մեդիա հարթակների համար գրավոր և վիզուալ կոնտենտի ստեղծում, մամուլի հաղորդագրությունների ստեղծում, մեդիա միջոցառումների/արշավների կազմակերպում)
Միջոցառումների կազմակերպում (միջոցառումների պլանավորում, միջոցառումների կազմակերպչական աշխատանքներում ներգրավվածություն, լոգիստիկ աջակցություն, միջոցառումների իրականացում)
Առողջ ապրելակերպ և բնապահպանություն (արշավների, աղբահանության ակցիաների, սպորտային միջոցառումների կազմակերպում և իրականացում, առողջ ապրելակերպի թեմայով տեղեկատվական հանդիպումների կազմակերպում, բնապահպանական ակցիաների կազմակերպում)
Մշակույթ և ժամանց (մշակութային սեմինարների, ֆիլմերի ցուցադրության և ժամանցային միջոցառումների կազմակերպում)։
ՀԱԵ անդամակցության մանրամասները
Դիմելու վերջնաժամկետ՝
Հունիս 19
Տարեկան անդամավճար`
10,000 AMD
Ուշադրություն
Վերը նշված պահանջները չկատարելու դեպքում անդամները չեն մասնակցի տարեվերջյան հավաստագրերի շնորհման արարողությանը։
