«Տեղահանված կանանց հզորացում» ծրագիր | Մասնակցության հրավեր

«Տեղահանված կանանց հզորացում» ծրագիր | Մասնակցության հրավեր

Posted In :
0 : comment

«Հայ առաջադեմ երիտասարդություն» հասարակական կազմակերպությունը Ֆրիդրիխ Էբերտ հիմնադրամի հայաստանյան գրասենյակի հետ համատեղ մեկնարկում է «Տեղահանված կանանց հզորացում» ծրագիրը, որի նպատակն է զարգացնել Արագածոտնի, Արարատի, Արմավիրի, Կոտայքի մարզերում և Երևանում բնակվող տեղահանված կանանց զբաղվածության և ձեռնարկատիրական ներուժը՝ նպաստելով նրանց տնտեսական անկախությանն ու բարեկեցությանը։

Ծրագրի շրջանակներում հայտարարում ենք «Զբաղվածության և ձեռնարկատիրության դպրոց»-ի ընդունելություն։ 4 ամիս տևողությամբ դպրոցի շրջանակներում ընտրված մասնակիցները հնարավորություն կստանան՝

Շաբաթական 2 անգամ մասնակցելու 3 ժամ տևողությամբ կարողությունների զարգացման դասընթացների։
Ստանալու անհատական խորհրդտավություն փորձառու մասնագետներից։
Գտնելու կայուն աշխատանք՝ խորհրդատուի աջակցությամբ։
Ծանոթանալու Հայաստանի աշխատաշուկայի առանձնահատկություններին, գործատուների հիմնական պահանջներին։
Բարձրացնելու իրենց մրցունակությունը աշխատաշուկայում։
Ծանոթանալու Հայաստանի ձեռնարկատիրական ոլորտին և դրան վերաբերող օրենսդրության առանձնահատկություններին։
Զարգացնելու իրենց զբաղվածության և ձեռնարկատիրական ներուժը և հմտությունները:

Խմբային դասընթացների, քննարկումների, գործնական վարժությունների, ինչպես նաև խորհրդատուների կողմից անհատական խորհրդատվության միջոցով՝ ծրագիրը նպատակ ունի խթանել տեղահանված կանանց անձնային և մասնագիտական զարգացումը՝ խրախուսելով նրանց մասնագիտական աճը և ներգրավածությունը աշխատաշուկայում և ձեռնարկատիրական ոլորտում:

Ծրագրին կարող են մասնակցել

18-ից 65 տարեկան տեղահանված կանայք, ովքեր բնակվում են Երևանում կամ Արագածոտնի, Արարատի, Արմավիրի և Կոտայքի մարզերում, փնտրում են աշխատանք կամ ցանկանում են զարգացնել սեփական բիզնես գաղափարը։

Դասընթացների և անհատական խորհրդատվության հիմնական թեմաներն են՝

հայաստանյան աշխատաշուկայի առանձնահատկություններ,
մասնագիտական նպատակների սահմանում,
սթրեսակայունություն,
ճկունություն և որոշումների կայացում,
բանակցային հմտություններ,
հաղորդակցական հմտությունների զարգացում,
կապերի հաստատման հմտություններ,
անձնական բրենդինգ,
ինքնակենսագրականի կազմում,
աշխատանքային հարցազրույց,
ձեռնարկատիրական ոլորտի օրենսդրություն,
հարկային և կենսաթոշակային համակարգ,
շուկայի վերլուծություն,
կազմակերպչական և կառավարչական հմտություններ,
նորարարական գաղափարների հղացում,
բիզնես պլանի մշակում,
մարքեթինգ ձեռնարկությունների համար,
ֆինանսական պլանի կազմում
պետական և ոչ պետական աջակցության ծրագրեր։

Մասնակից կանանց 3-ից 12 տարեկան երեխաներին կառաջարկվի մայրիկների դասընթացներին զուգահեռ մասնակցել տարիքին համապատասխան զարգացնող կրթական խմբակների։

Ծրագրին դիմելու վերջնաժամկետն է՝ ս․թ․ ապրիլի 10-ը
Վայրը` ք․ Երևան
Ժամկետներ՝ ապրիլ 2021 – հուլիս 2021
Հաճախականություն` շաբաթական 2 հանդիպում
Հանդիպման տևողությունը՝ 3-4 ժամ

Ծրագիրն անվճար է։

Մարզերում բնակվող մասնակիցների ճանապարհածախսը կփոխհատուցվի:

Կապ
Հայ առաջադեմ երիտասարդություն ՀԿ
Հասցե՝ Բաղրամյան 45, բն. 3, 0019 Երևան, ՀՀ
Հեռ.՝ (+374) 12 539204
Աշխատանքային ժամեր զանգերի համար՝ 10:00-18:00
Կայք՝ https://apy.am/

ԴԻՄԵԼ