#EaP4Youth առցանց ամառային դպրոցի ընդունելություն

#EaP4Youth առցանց ամառային դպրոցի ընդունելություն

• Posted In :
• 0 : comment

18-ից 35 տարեկան երիտասա՞րդ ես։ Անդամակցո՞ւմ ես որևէ հասարակական կազմակերպության։ Հետաքրքրվո՞ւմ ես միջազգային հարաբերություններով։ Ցանկանո՞ւմ ես իմանալ ավելին Հայաստան – Եվրոպական Միություն հարաբերությունների և դրանց շրջանակներում երիտասարդներին առաջարկող հնարավորությունների մասին։

«Հայ առաջադեմ երիտասարդություն» հասարակական կազմակերպությունը սկսում է իր առաջին #EaP4Youth ամառային դպրոցի ընդունելությունը։

Դպրոցի տևողությունը՝ 2 ամիս (ս.թ. հուլիսի 1-ից սեպտեմբերի 1-ը)։ Ընդհանուր 12 առցանց դաս, շաբաթական 1-2 անգամ, յուրքանչյուր դասի տևողությունը՝ 2-3 ժամ։
Դասընթացի վայրը՝ Zoom (առցանց)

Դպրոցի բանախոսները՝
Առցանց դասախոսություններով հանդես կգան ոլորտի առաջատար մասնագետներ, հետազոտողներ, քաղաքական և հասարակական գործիչներ: Բանախոսությունները կուղեկցվեն գործնական վարժություններով և հանձնարարություններով։
Դպրոցում ուսուցումն անվճար է։

Հայտերի ընդունման վերջնաժամկետն է՝ ս․թ․ հունիսի 30-ը:

Դպրոցի կազմակերպիչներն են՝
«Հայ առաջադեմ երիտասարդություն» հասարակական կազմակերպությունը և Արևելյան գործընկերության Քաղաքացիական հասարակության ֆորումի Հայաստանի ազգային պլատֆորմը (ԱլԳ ՔՀՖ ՀԱՊ)։
Դպրոցն իրականացվում է ՔՀՖ ՀԱՊ քարտուղարության «Հզորացնելով ՔՀՖ Հայաստանի ազգային պլատֆորմի ներդրումը ԵՄ-Հայաստան համագործակցության մեջ» ծրագրի շրջանակներում։

Դպրոցի ընդունելությունը՝
Մասնակիցների ընտրությունը մրցութային հիմունքներով է: Բոլոր ցանկացողները պետք է դիմեն մրցույթին՝ լրացնելով մասնակցության առցան հայտը։ Մասնակցության հայտը այստեղ՝

Լրացուցիչ տեղեկությունների համար՝
կարող եք զանգահարել +374 12 539204 հեռախոսահամարով կամ գրել [email protected] էլ․ փոստի հասցեով։

Միջոցառումը իրականացվում է ՔՀՖ Հայաստանի ազգային պլատֆորմի քարտուղարության «Աջակցություն ՀԱՊ աշխատանքային խմբերի գործողություններին» ծրագրի շրջանակում: